hamoda
Admin
 رسالة SMS :
 عدد المساهمات : 759
تاريخ الميلاد : 25/06/1993
تاريخ التسجيل : 08/11/2009
العمر : 30
الموقع : فلسطين * غزة * النصيرات
العمل/الترفيه : أحب الرياضة
المزاج : ممتاز
 | | موضوع: أفضل 66 نكتة مضحكة جدا السبت 27 مارس 2010 - 17:13 | |
| [ندعوك للتسجيل في المنتدى أو التعريف بنفسك لمعاينة هذا الرابط]
قالك مرة واحد معقد دايما كي يهضرلو واحد هضرة يبقى يعاودها .
مرة ادخل للمقهى قال للقهواجي هاتلي تيزانة
قالو القهواجي بسيتررون ولا بلا سيترون
قالو هاد السيد بسيترون ولا بلا سيترون بسيترون ولا بلا سيترون وخرج برة ضربو كاميو كيجاو لابوليس قالو لشوفار كيفاه صرات الحادثة قالهم انا كنت نصوني عليه وهو يقلي تيت تيت تيت.
--------------------------------------------------------------------------------
قالك مرة امام وسمو السي الحواس كي عوايدو كان يخطب على الناس قالهم:درك نحكيلكم قصة باش تعرفو الكرم تاع ناس بكري عائشة رضي الله عنها مرة جاها طفل صغير فقير طلبا للاكل راحت هي وجابتلو 2 تمرات حطتهملو في جرنان وهي ماكانش عندها حتى باش تتغدى.
--------------------------------------------------------------------------------
مرة واحد جزايري كان يحكي مع وحدة مصرية قالها واش تخدمي
قالتلو :انا بقرا (نقرا) في الكلية
ردلها :انا ثور في سوناطراك.
--------------------------------------------------------------------------------
مرة وحايد كانو يزطلو وراء باطيمة فضلهم طرشاق (كبريت) بعتو واحد دار على الباطيمة وزاد ولى ليهم
قالهم:معندكمش طرشاق(كبريت)
قالولو: و الله هادا واين بعتنا واحد.
--------------------------------------------------------------------------------
مرة واحد كان سكران قد قد و راح للدار على 2:00 تاع الليل فكتلو الباب ختو قالها هادا واين داخلة يا بنت الحرام.
--------------------------------------------------------------------------------
مرة راجل كان قاعد هو و ولدو طبطبت امو قالو باباه نوض حل الباب ردلو ولدو نوض انت يخي مرتك قال الراجل لمرتو يا امرة راكي طالق بالثلاث و درك نوض يا ولدي حل الباب لامك و ما تزيدش تقلي مرتك .
--------------------------------------------------------------------------------
واحد الغاشي ما يفهمو والو..يعني حابسين ...مثلا الكاوكاو اللي بالقشور يكتبولهم عليه عبارة' اضغط هنا '...التقاشر مكتوب عليهم 'يمين يسار' البنان مكتوب عليه 'يؤكل من الداخل' الياوورت مكتوب فيه من الاسفل' انتهى ' العلبة نتاع التونة مكتوب عليها 'لاتخف انه ميت
--------------------------------------------------------------------------------
واحد الطالب مجاعة مسكين كان يهدر مع وحدة سمينة قالها 'اعطني الدراهم باش نشري الخبز راني يومين ما كليتش' قالتلو' راني نحسدك على لاطاي تاعك يرحم ابوك قولي شكون الطبيب اللي عطاك هدا الريجيم
--------------------------------------------------------------------------------
واحد كان يتبع في وحدة قالها "واش بيك تجري واش راه وراك " قاتلو" ورايا حمار
--------------------------------------------------------------------------------
قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو
--------------------------------------------------------------------------------
خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو
--------------------------------------------------------------------------------
مرة واحد كان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قريندايزر الى القاعدة
--------------------------------------------------------------------------------
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض
--------------------------------------------------------------------------------
قالك وواحد قال لباباه "شريلي بورتابل " قالو " نشريلك بصح ركب خوتك معاك
--------------------------------------------------------------------------------
قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول "اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني
--------------------------------------------------------------------------------
ثلاث مجانين اتفقوا على الهروب فدبروا لقتل الحارس لكن وقت الهروب لم يجدو الحارس فقالوا آآآآآآآآآآآآآه ه ه ه ه ه ه
فشلت الخطة.
--------------------------------------------------------------------------------
مرة واحد بخيل بزاف ...تحرقت دارو....واش يدير ارفد البورطابل نتاعو بيبا للحماية المدنية ومبعدة قعد يسستنى يعاودولوا هوما
--------------------------------------------------------------------------------
مرة تلاقاو زوج مشهورين بالكذب قال الاول / هل ترى النملة الواقفة على قمة الجبل ؟
فرد الثاني /أيهما تقصد التي تغمض عينيها أم التي تفتحهما
--------------------------------------------------------------------------------
واحد ركب قلبا اصطناعيا من البلاستيك أثناء عملية جراحية بعد ساعات من مغادرته المستشفى أحب باسينة تاع بلاستيك
--------------------------------------------------------------------------------
أراد الطبيب ان يختبر الحالة العقلية لمرضاه فسأل الاول /إذا أعطيتك برتقالة فماذا تفعل بها ؟ فأجابه /أقشرها ثم أكلها فقال له الطبيب /عظيم لقد شفيت ثم سأل الثاني /و أنت إذا أعطيتك شاحنة فماذا تفعل بها؟ فأجاب /أقشرها و أكلها
--------------------------------------------------------------------------------
ثلاثة أغنياء أرادا التبرع بأموال للفقراء وكان ثالثهم بخيل جدا . فقال الاول /سوف أرسم دائرة وأرمي نقودي فالتي تقع داخلها لي و التي تقع خارجها للفقراء . وقال الثاني /أنا أرسم خطا و أرمي فما وقع على اليمين لي وعلى اليسار للفقراء . أما الثالث /أرمي نقودي في السماء التي تسقط لي والتي تبقى في الهواء للفقراء
--------------------------------------------------------------------------------
قالك مرة وحدة ودرت راجلها راحت تبلغ الشرطة ودات ولدها
معاها قالها الشرطي :كيفاش داير راجلك؟ قاتلو: طويل
و روجي أيا قالها ولدها :ماما هذي مشي مواصفات بابا ،قالتلو
أسكت يا وليدي بالاك يجيبولنا واحد خير منو!
--------------------------------------------------------------------------------
وحدة حبت تفرح زوجها ليلة عرسها مالقاتش كيفاه
أيا قالتلو :... أنا حامل!!!
--------------------------------------------------------------------------------
واحد قالتلو مرتو : علاه ما تقلشنيش كيما جارنا، أيا قالها : ياقطة
ضحكت وقالتلو :يا كلب ، أيا قالها :..أنت طالق
--------------------------------------------------------------------------------
مرة واحد قاع مع يشاتي مع وحدة
قالها: واش يسموك؟قالتلو
fleur-fati(زعمة فاطمة الزهراء) ..ومنبعدة قالتلو هي
وأنت واش يسموك؟ قالها:le pere de vendredi
(زعمة بو جمعة)
--------------------------------------------------------------------------------
واحد المعلم سأل التلاميد: ما هي أصغر حشرة في العالم؟ حتى واحد ما اعرف. أيا لقى
واحد زوج كسالى اللور يلعبو في الكارطا. أمشى ليهم و قالهم: أنتوما . ما هي أصغر
حشرة في العالم؟ جاوبو التلميد الأول وقالو: قرموشة. قالو المعلم: واشن هي هذي
قرموشة؟ التلميد:هاذي واحد الحشرة تعيش فالنيف نتاع الذبابة. قالو المعلم: عمري ما
اسمعت بها. ثم سأل التلميد الثاني: ما هي أصغر حشرة في العالم. قالو التلميد الثاني:
خرموشة! قالو المعلم: واشن هي هاذي الخرموشة؟ جاوبو التلميذ: الخرموشة هي
حشرة تعيش في النيف نتاع قرموشة.
--------------------------------------------------------------------------------
قالك واحد البخيل كان مريض وراقد على فراش الموت. بدا يسقسي في اولادو: وين راه
محمد؟ قالو محمد: راني اهنا. زاد سقسى: وين راه قدور؟ ابدا قدور يبكي و قالو: راني
اهنا. أيا قالهم: واش...راكم قاع اهنا... وشكون اللي راه قاعد في الحانوت
--------------------------------------------------------------------------------
قالك واحدة العجوزة راحت للغابة. شافها السبع. قالتلو: أنا عجوزة كبيرة وضعيفة ما
تاكلنيش . قالها السبع: ما تخافيش ما ناكلش واحدة مقرمشة.
--------------------------------------------------------------------------------
قالك وحدة تقدمت لامتحان في الاسعافات الأولية. سألتها المشرفة: ماذا تفعلين اذا
ابتلع أخوك الصغير مفتاح الباب؟ فقالت الممرضة: أخرج من النافدة!
--------------------------------------------------------------------------------
قالك واحد امرض. قال لوليدو: اذا مت قول للناس كنت مريض بالسيدا.
باش امك واحد ما يتزوج بيها من بعدي
--------------------------------------------------------------------------------
قالك واحد زاطل كان قاعد في البالكون نتاعهم في ايتاج 10
سمع واحد لتحت في الشارع يقول ناصر باباك ويماك وخاوتك ماتو في اكسيدون (حادث)
هذاك الزاطل ما حملش كي سمع الخبر و ارمى روحو
مالا في ايتاج 7 تفكر بلي هو يتيم
وفي ايتاج 4 تفكر بلي ما عندوش خاوتوا
في ايتاج 2 تفكر بلي اسمو طارق ماشي ناصر
الله يرحمك يا ناصر ااا عفوا طارق
--------------------------------------------------------------------------------
وحد الشاب شرى أبيس جيزي وشافها باباه فالليل ومعرفهاش وشهيا ؟؟ وشراح دار ؟ !!!! راح حرقها وبخرها عمباتلو باصتي تع الناموس
--------------------------------------------------------------------------------
مرة واحد زاطل حبسوه لابوليس و قالولو علاه ما حاطش الحزام
قالهم انا اصلا ما لابسش السروال
--------------------------------------------------------------------------------
الشرطي : لماذا لم تتوقفي ألم تري اشارة "قف"
المرأة الغبية : مكتوب عليها "قف" وليس "قفي"
--------------------------------------------------------------------------------
الزوجة : لم تعد تأتيني بشئ كعادتك ايام الخطوبة
الزوج : وهل رايت صيادا يطعم السمكة بعد صيدها ؟
--------------------------------------------------------------------------------
كاين واحد الراجل أموشم قارة إفريقيا على كرشو, أيا واحد الخطرة مرض من كرشو و باقية تسطر عليه بزاف
أداووه مسكين حاصل للسبيطار, كي لحق عند الطبيب, رقدوه فوق السرير و من بعد سقساه الطبيب:
واش بيك ؟
قالو المريض: أأأأأه ه ه... كرشي دوكتور دايرة فيا.. حالة
نحالو الطبيب لقمجة و بدا يقلب فيه و من بعد سقساه:
وين تحس بالسطر إكزاكت ؟
قالو المريض: حدا الزيمبابوي ..!!!
--------------------------------------------------------------------------------
مزطول راح للدكتور يشكي انه كل ما يرقد يحلم بقطط يلعبو في الكرة . قالو الدكتور : مترقدش يومين .. قال المزطول: منجمش على خاطرغدوة La Final
--------------------------------------------------------------------------------
واحد مزطول ماسك علبة مسامروطاح منهم مسمار قلو يا ولدي أرجع يرحم بوك ارجع.... المسمارمحبش يرجع .... كب علبة المسامر كلها و قال : جيبوووووووووووووه
--------------------------------------------------------------------------------
سأل ولد أبوه : بابا كيفش نعرفوا واحد أنه سكران. جاوبه أبوه قالو: شوف ياولدي ..هاك الشجرتين يشوفهم السكران أربعة شجرات. التفت الولد ولم يجد إلا شجرة واحدة !!!!!
--------------------------------------------------------------------------------
واحد اخترع حبوب للحامل باش المولود يطلع مؤدب وكل مولود فعلا نزل مؤدب .
واحدة أخدت الحبوب وماولدتش في المعاد فراحت للدكتور عملها ولادة قيصرية
لقى توأم كل واحد يعرض علي التانى ويقول له :اتفضل
انت يقوله:لأ اتفضل إنت الأول
--------------------------------------------------------------------------------
تقدم الشاب لخطبة فتاة فسأله والدها - الواقع با ابني أنك شخص مناسب جدا .. ولكن هل بأستطاعتك أن تصرف على عائلة ؟ .. أجاب الشاب - نعم .. فقال الأب - ولكننا ثمانية .
--------------------------------------------------------------------------------
رجع الطفل من المدرسة فرحا فسأله أبوه عن السبب فقال له: أتعرف ياأبي أني الوحيد الذي أجاب عن سؤال طرحه المعلم
قال الأب: حقا وماذا كان السؤال؟
الطفل: من الذي لم يقوم بواجباته؟
--------------------------------------------------------------------------------
واحد قروي .. ركب مع تكسي، ركب زوجته قدام باش السائق ما يشوفهاش في المراية
--------------------------------------------------------------------------------
قالك واحد يمشي في الطريق وقاعد يحوس على المخبزة
الي يلقاه يسقسيه وين جات يجاوبو يقولو راهي الفوقا
قاعد غير يمشي ملقاهاش
ملا قال والله غير نبدل السؤال
حكم واحد وقالو وين جات هذي الفوقا
قالو هذاك راك خليتها التحت
--------------------------------------------------------------------------------
قالك واحد مريكاني جا للجزائر وعمل حادث , ايا جا واحد من الشباب البطال وتبرعلو بالدم , كي فطن المريكاني وراح رجع للمريكان , راح السفير يزورو في نيويورك صابو تحت ناطحة سحاب قاعد و مفرش كرتون ويتكيف في قارو زطلة ويقول " ياخي بلاد ياخي
--------------------------------------------------------------------------------
قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كاش مواعين نغسلهم
--------------------------------------------------------------------------------
أيا قالك المصري والجزائري دخلوا للمطعم وحد النهار , أيا الجزائري طلب راس خروف مشوي ووحدة بيبسي , المصري طلب سمك وبيبسي , وممبعد شوي المصري كلا السمك انتاعو وشرب البيبسي انتاعو وانتاع الجزائري , الجزائري قالو : وعلاش ؟؟ قالو المصري : السمك عايز يسبح, شاف معاه الجزائري وعطاه بدماغ " راس " وقالو : حتى الخروف عايز ينطح
--------------------------------------------------------------------------------
مرة عروبي شاف لوحةمكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو
--------------------------------------------------------------------------------
قالك ملا جماعة بخلاء راحوا البحر قالهم واحد منهم لي يخرج راسو الاول هو لي يخلص القهوة ملا غطصو روسهم في البحر واحد ما خرج منهم ماتوا كلهم من كثرة البخل
--------------------------------------------------------------------------------
قالك مرة كان جزائري وامريكي وجابوني عطاو لكل واحد منهم مليار وقالولهم لازم تخترعو حوايج مالا الماريكاني خدم صاروخ يروح لأي بلاصة والياباني خدم خاتم بورتابل اما الجزائري صرف دراهمو قلش روحو قعدتلو غير مليون مالا شرى معزة وكلب و جوعهم ربع ايام قبل ما يوصل وقت كي يورو اختراعاتهم مالا بدا الماريكاني ورى اختراعو ثم الياباني وصلت دالة الجزائري حط الكلب وعطاه حشيش كلاه وحط المعزة وعطاها اللحم كلاتو قالولو واشي هو الاختراع قالهم على الكلب: الكاركاس كلب والموتور معزة و المعزة: الكاركاس معزة والموتور كلب
--------------------------------------------------------------------------------
قال أحـد الشـباب لصـديقه : إني أعاني من مشكلة مستعـصية . فقال له الصـديق : وما هي ؟ فقال له الشاب : ما من مـرة أبـدي إعجـابي بإحـدى الفتـيات طلـبا للزواج منها إلا وترفضها أمي . فقـال له الصديق : بسيطة إني أرى أن تختار فتاة تشبه أمك في المظهر و الجوهر و بذلك تضع حدا لمشكلتك ، وبعد مدة أخبر الشاب صديقه بأنه وجدها . فقال له الصديق : حسنا فعلت . فقال الشاب عندئذ : ولكن هذه المرة لم ترفضها أمي ، بل رفضها أبي
--------------------------------------------------------------------------------
واحد نذل دخل مطعم وطلب صحن فول، وبعدما انتهي من أكله سأل الجرسون الحســــاب كم, فرد الجرسون 30 دينار، مد النذل يده في جيبه وأخرج الـ 30 دينار ورماها على الارض،وتكرر المشهد 3 ايام متتالية، وفي اليوم الرابع دخل المطعم وماكانش معه الصرف فاعطى الجرسون 50 دينار وقال له واحد فول، طبعا الجرسون حب ينتقم منه فاحضر الباقي 20 دينار ورماهم على الارض وقال له خذ الباقي، فاخرج النذل 10 دينار من جيبه ورماه فوق
الـ 20 دينار وقال للجرسون لالا هات صحن آخر
--------------------------------------------------------------------------------
معلم مشهور بالبخل بصح ما يستعرفش قالو واحد الرجل:اذا كان البرد واش الدير؟:
المعلم :نقعد قدام الفورنو:
الرجل:واذا كان البرد تاع الصح واش الدير
المعلم:نلصق في الفورنو
الرجل :اذا صب الثلج....المعلم:نحضن الفورنو
الرجل:اذا كان البرد وكأنك في سيبيريا واش الدير؟؟؟؟؟؟؟
المعلم :في هاذي نشعل الفورنو
--------------------------------------------------------------------------------
قالك واحد النهار واحد جزائري متزوج بوحدة ألمانية أدخلها الاسلام تشهد تصلي
جاء رمضان رفضت الصوم
ماقدرش يقنعها
راح عند الامام حكالو لحكاية قالو زيد حاول معاها برك بلاك تصوم
ردلو الرجل ماقدرتش
الامام لا يوجد حل الا الطلاق
الرجل بلاك أنت الامام تقدر تقنعها
جاب الراجل الزوجة الألمانية
شافها الامام
قال للرجل على انفراد
رمضان يروح ويرجع بصح هذي كي تروح مابقاتش تولي
--------------------------------------------------------------------------------
قالك وحد الشاب راح يبيع الميلفاي في بلاصة مايعرفوهاش قالك جات عندو وحد لعجوزة قالتلو يا وليدي
وشنو هذا الصابون ليراه يرغون
--------------------------------------------------------------------------------
قالك وحد العجوزة كذابة بزاف بعثوها ولادها للحج باش تحبس الكذب قالك كي ولاة قلولها ولادها احكينا على الحج قالتلهم حبستنا الطيارة في السماء
حتى نزلنا ندزوها
--------------------------------------------------------------------------------
زوج حابسين واحد منهم داير روحو حكيم قال للثاني: "قلي من صديقك أقولك من أنت؟؟؟ "
قال الثاني: "من صديقك؟ "
ردعليه: "من أنت؟"
--------------------------------------------------------------------------------
فنيان يقول أحسن خمس أشياء بالدنيا ثلاثة:النوم والأكل
--------------------------------------------------------------------------------
واحد داخل الملعب ورافع علم اسود لاه؟؟؟؟؟؟ يشجع الحكم
--------------------------------------------------------------------------------
قالك واحد سقسا ماماه لماذا تلبس العروس يوم زواجها لباسا أبيض .فقالت الأم : لأنه أسعد يوم في حياتها فأجاب الإبن:إذا زوجها يلبس لباسا أسود لأنه أسوء يوم في حياته
--------------------------------------------------------------------------------
قالك واحد شرا بورتابل جديد كيجا يبعت لمرتو ميساج قال لصاحبو هاك كتبو خطك أحسن من خطي
--------------------------------------------------------------------------------
وحد المرة كان شيطان وشيطان يضاربو جا شيطان وقالهم نعلو الشيطان
--------------------------------------------------------------------------------
قالك وحد الجن مزرول جا يدخل في واحد دخل في حيط
--------------------------------------------------------------------------------
قالك واحد تعجب علاش صاحبو بطل السكرة فقال له كيفاه بطاتها بهدي السرعة. قالو كيكونت نشرب نشوف نسيبتي زوج تكفيني وحدا برك
--------------------------------------------------------------------------------
قالك عجوزة مزرولة راحت عند طبيب مزرول قالها الطبيب تدخل وحدا برك قالتلو راني جيت عند الطبيب لاخر
--------------------------------------------------------------------------------
قالك واحد يكره حماتو قالو صاحبو كون تموت حماتك تفرح ولا ما تفرحش قالو مانفرحش علاش كون نفرح خايف نموت من الفرحة
-------------------------------------------------------------------------------- | |
|
